جامعہ کی خبریں

📍 مرکزی کنونشن

تحریک بیداری امتِ مصطفیٰ ص

پروفیشنلز آف تحریک بیداری

المصطفیٰ اسکاوٹس

🗓 14 / 15 شعبان المعظم 1447ھ

📌 بمقام: جامعہ العروة الوثقیٰ، لاہور

یہ کنونشن صرف اجتماع نہیں،

بلکہ امت کے شعور، فکری اتحاد اور عملی حکمتِ عملی کا اعلان ہے۔

📞 رابطہ:

0306-4493287 | 0370-0430186 | 0305-5572722

آئیے! بیدار امت کے قافلے کا حصہ بنیں۔

مجمع المدارس تعلیم الکتاب والحکمہ کے انتظامی ڈھانچے کا اہم اجلاس

تاریخ: 3 فروری 2026

مقام: جامعہ عروۃ الوثقیٰ، لاہور

مجمع المدارس تعلیم الکتاب والحکمہ کے تحت انتظامی ڈھانچے کا ایک اہم اجلاس 3 فروری 2026 کو جامعہ عروۃ الوثقیٰ لاہور میں منعقد ہوا۔ اجلاس کی صدارت مجمع المدارس تعلیم الکتاب والحکمہ کے ناظمِ اعلیٰ حجت الاسلام والمسلمین مولانا ناصر مہدی کربلائی صاحب نے کی۔

اجلاس میں مجمع المدارس کے نائب صدر حجت الاسلام والمسلمین مولانا محمد توقیر عباس صاحب، ناظم امتحانات حجت الاسلام والمسلمین مولانا غالب صاحب، نائب ناظمِ اعلیٰ مولانا مصور حسین صاحب، ناظم تبلیغات مولانا علی رضا مطہری صاحب، نائب ناظم تبلیغات مولانا اشرف بسیجی صاحب، نائب ناظم شعبۂ اسناد مولانا روح صاحب اور مولانا جناب نعیم صاحب نے شرکت کی۔

اجلاس کے دوران مجمع المدارس تعلیم الکتاب والحکمہ کے تمام جاری انتظامی امور کا تفصیلی جائزہ لیا گیا۔ شرکاء نے بالخصوص ان معاملات پر توجہ مرکوز کی جن کی فوری تکمیل ضروری ہے، اور ان کے لیے مؤثر حکمتِ عملی مرتب کی گئی۔

اجلاس مثبت، سنجیدہ اور مربوط مشاورت کے ساتھ اختتام پذیر ہوا۔ مجمع المدارس تعلیم الکتاب والحکمہ ملک بھر میں دینی و عصری تعلیم کے فروغ کے لیے کوشاں ایک اہم تعلیمی ادارہ ہے۔ اس اجلاس میں کیے گئے فیصلوں سے ادارے کے انتظامی ڈھانچے کو مزید مستحکم بنانے اور تعلیمی اہداف کو زیادہ مؤثر انداز میں آگے بڑھانے میں نمایاں مدد ملے گی۔